مواصفات البنت المصرية القياسية فى نظر الولد

استعرض الموضوع السابق استعرض الموضوع التالي اذهب الى الأسفل

مواصفات البنت المصرية القياسية فى نظر الولد

مُساهمة من طرف محمد الجندى في الأربعاء مارس 05, 2008 10:45 pm

الصفة الاولى: التناكة..

البنت المصرية العادية تعتبر اي ولد يحاول التكلم معها، تعتبره مجرما أثيما يحاول التقرب إليها لسبب خبيث حقير شرير ألا وهو التعرف عليها.. إلى أن يثبت العكس!!


لا حول ولا قوة إلا بالله!!


يعنى لو شاء القدر في الكلية عندك (خصوصا طب وهندسة) واضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات والأسباب الكافية جدا, كي تقنع سيادتها إنك لست ذئبا بشريا،و انك لا تسأل عن موعد المحاضرة كمقدمة لسبب آخر لا داع لذكره،عشان العيال الصغيرة اللي بتقرا الموضوع معانا!!


هل لديك زميلة في كليتك من جنسية أخرى؟ لا حظت بتتكلم معاك عادي إزاي كإنك بني آدم خلقه ربنا؟ عادي يعني .. انما لما تيجي تتعرف على بنت مصرية لازم تتكتك وتخطط وترسم الخطط والاستراتيجيات وكإنك داخل على موقعة حربية.. فيه إيه يا عم؟؟ على إيه ده كله يا إكسلانس؟

الصفة الثانية: الشياكة

البنت المصرية (بحق ربنا) تتزين وتهتم بمظهرها بشكل لابأس به إطلاقا (روح سيتي ستارز، مش باتكلم على معهد الصنايع اللي جنب بيتكم يا خفيف!) ..


المشكلة هنا هي نظرة البنت نفسها للمسائل دي ..


البنت دي في الأغلب والأعم بتعمل الشويتين دول لتجذب الشاب الغلبان إللي هايتدبس يا عيني.. وبعد الجواز بقى انت عارف اللي فيها!!


اسمع القصة دي: يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم،عشان تعرف المية دي جاية منين.. لقت جوزها جه نام جنبها وفتح التليفزيون .. وكل شوية يقول في حسرة: "هي دي النسوان ولا بلاش.. مش انتي؟ تفووو!"


على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول، فيه أمل كبير قوي وممكن يغير الحته دي.. مين عارف .. مفيش حاجة قليلة على ربنا!

الصفة الثالثة: احتقار الراجل!!

فيه راجل رحالة قديم جه على مصر في العصور السحيقة ..لاحظ سلوك الستات في مصر وكتب عنه.. بيقول الراجل ده في مذكراته فيما معناه:

"...... وحين جئت أرض مصر، وجدت فيها أمرا عجيبا مستغربا, ألا وهو تسلط نسائها على رجالها..!! عجبت لهذا الأمر عجبا عظيما، وانتويت سؤال أولى العلم في هذه المسألة الغريبة.. فجائني رجل بالسبب:


حين خرج فرعون لملاقاة موسى، خرج ومعه كبار القوم وسادتهم، وتركوا النساء والعبيد.. فلما حدث ما حدث وهلك فرعون ومن معه ..اتخذت النساء عبيدهن أزواجا!.. ومن هنا جاء تسلط نساء مصر على رجالها حتى اليوم, فهم يعاملونهم كالعبيد......"

شايف القصة المهببه دي؟ اهو الراجل مش من هنا وقالها بنفسه.. بتعملوا فينا كده ليه يا نساء مصر اتقوا الله فينا مش كده.. دا حتى عشان سمعة الوطن في الخارج.. يرضيكم اللي بيتكتب ده يعني؟؟

نعمل إيه طيب؟؟

بعد ما شفنا البنات بيتعاملوا معانا ازاي يا شباب.. لازم نعد العدة ونتعامل معاهم بنفس الأسلوب.. خد الحلول دي وظبط نفسك:

الحل الأول: المساواة ..في الظلم عدل!!

زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده؟؟


لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل وشوف إيه اللي هايحصل.. هاتلاقي شاب كده هلهولة عامل جنتل مان راح قايم ومقعدها مكانه .. وغالبا البنت هاتنزل آخر الخط ومش هاتقوم، عشان تخليه واقف أطول فترة ممكنة!


النصيحة التي أتحمل مسئوليتها الكاملة هي: لو لقيت بنت حلوة عايشة الدور, داخله المواصلة اللي انت راكبها إياك تقوم وتقعدها مكانك.. أولا: صحتها أحسن من صحتك ميت مرة (بطل السجاير والحشيش بقى عيب انت كبرت!) وثانيا: هي مش من بقيت أهلك (لو اختك أو خطيبتك اللي داخلة ماتستهبلش يعني!), وثالثا: لو عامل كده عشان تبين لها انك واد جنتل يعني وحنين، فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك عالفاضي.. ومش هتاخد ثواب كمان عشان نيتك غالبا مش كويسة! رابعا: البنت دي مش كبيرة في السن وشابة زيادة عن اللزوم زي مانت شايف.. تقوم ليه بقى؟؟ طيب لو هي اللي قاعدة وانت اللي داخل كانت هاتقوم لك؟؟


المفروض تقوم وتقعد البنت اللي واقفة في الحالات دي:


لو لقيتها بنت غلبانه أو بنت محترمة أو فتاه عاملة أو ست كبيرة، يبقى لازم تقوم لها طبعا مش عايزة كلام.. لكن لو بنت من اياهم، تبقى شاب لامؤاخذة،لو قعدتها مكانك!


الحل التاني: ولا تعبرهم! سألت مرة بنت: " انتي بتلبسي ليه كده؟"


اجابت: "عشان كده أشيك!"


ألحّيت في السؤال تاني عشان اعرف الإجابة الحقيقية (رزالة بقى!) فقالت في النهاية بصراحة:


- "عشان الناس تبص عليا وأحس إن أنا حلوة!"


شفت بقى يا معلم؟ يعني البنت من دول عامله اللي هي عاملاه ده عشان كل ما انت تهتم بيها، سيادتها هاتتكيف وتنبسط أكتر.. ومش هاتعبرك برضه يا عم الدون جوان..!

أقول لك حاجه؟


و لا تعبرها .. لو زميلتك عاملة كده يبقى احلقلها ميري يا معلم.. نفضلها وسيبها .. يعني لو بتكلمك وموبايلك رن, رد عليه وسيبها وامشي... لو واحدة ماشية في الشارع كده،لا تبصلها ولا تعبرها ... كإنها هوا معدّي.. كإنها لاشئ عابر!


لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها ومعجبة بيها طول الوقت.. خلي كرامتك بقى تنقح عليك ونفضلها وش ..و لا تبصلها يا شقيق.. بيّن ان انت مش عبيط زي الناس التانية وان الحركات دي ماتخيلش عليك..


هاتلاقيها اشتعلت نارا واتفحمت.. أحسن .. تستاهل!

و أي خدمة

_________________
متعرفيش مين أنا
أنا عندى سر مدريه

ومهما أقول عنه أنا
كنتى مش هتصدقيه

أيوه حبيتك أوى
وكل حاجه فيه عشقه

بس لما أفتكرت
قلت أنى لازم انسه

خفت أنك تصدقينى
تصدقينى وتسبينى

قلت انى لازم ابعد
بس كنتى بتحشينى


avatar
محمد الجندى
Admin
Admin

عدد الرسائل : 4158
العمر : 32
رقم العضوية : 1
اللقب : شاعر الشعب
تاريخ التسجيل : 07/03/2007

معاينة صفحة البيانات الشخصي للعضو http://egyptroom.forums1.net

الرجوع الى أعلى الصفحة اذهب الى الأسفل

رد: مواصفات البنت المصرية القياسية فى نظر الولد

مُساهمة من طرف hoss65 في الخميس مارس 06, 2008 10:58 am

"...... وحين جئت أرض مصر، وجدت فيها أمرا عجيبا مستغربا, ألا وهو تسلط نسائها على رجالها..!! عجبت لهذا الأمر عجبا عظيما، وانتويت سؤال أولى العلم في هذه المسألة الغريبة.. فجائني رجل بالسبب:


حين خرج فرعون لملاقاة موسى، خرج ومعه كبار القوم وسادتهم، وتركوا النساء والعبيد.. فلما حدث ما حدث وهلك فرعون ومن معه ..اتخذت النساء عبيدهن أزواجا!.. ومن هنا جاء تسلط نساء مصر على رجالها حتى اليوم, فهم يعاملونهم كالعبيد......"



منطق برضة اعتقد هيرودوت الى قال كدة و كان عندة حق

بس موضوع جامد جدا
بس حاول تختفى عن الانظار اليومين دول

شكرا ياجندى
avatar
hoss65
فنان راقى جدا
فنان راقى جدا

عدد الرسائل : 3219
العمر : 52
البلد : جده
رقم العضوية : 419
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مواصفات البنت المصرية القياسية فى نظر الولد

مُساهمة من طرف محمد الجندى في الخميس مارس 06, 2008 1:22 pm

ههههههههههههههههههههههه

شكرا جدا يا أستاذ حساام

_________________
متعرفيش مين أنا
أنا عندى سر مدريه

ومهما أقول عنه أنا
كنتى مش هتصدقيه

أيوه حبيتك أوى
وكل حاجه فيه عشقه

بس لما أفتكرت
قلت أنى لازم انسه

خفت أنك تصدقينى
تصدقينى وتسبينى

قلت انى لازم ابعد
بس كنتى بتحشينى


avatar
محمد الجندى
Admin
Admin

عدد الرسائل : 4158
العمر : 32
رقم العضوية : 1
اللقب : شاعر الشعب
تاريخ التسجيل : 07/03/2007

معاينة صفحة البيانات الشخصي للعضو http://egyptroom.forums1.net

الرجوع الى أعلى الصفحة اذهب الى الأسفل

رد: مواصفات البنت المصرية القياسية فى نظر الولد

مُساهمة من طرف نور الاسلام في الخميس مارس 06, 2008 2:02 pm

هههههههههههههههههههه
ماشى يا جندى
avatar
نور الاسلام
فنان ملكى
فنان ملكى

عدد الرسائل : 17277
العمر : 27
البلد : اسالوا كل الناس مين هم اجدع ناس
رقم العضوية : 3
اللقب : اصغر مدرسه
الدولة :
تاريخ التسجيل : 07/07/2007

معاينة صفحة البيانات الشخصي للعضو http://www.islamweb.net

الرجوع الى أعلى الصفحة اذهب الى الأسفل

رد: مواصفات البنت المصرية القياسية فى نظر الولد

مُساهمة من طرف ميرا في الخميس مارس 06, 2008 7:57 pm

ههههههههههه كده يا جندي بقي احنا كده .انا بردو بقول تستخبي اليومين دول زي ما استاذ حسام نصحك هههههههه
avatar
ميرا
مشرف فى منتدى الفنان

عدد الرسائل : 1502
العمر : 35
رقم العضوية : Moor than one
اللقب : خبيرة الجمال
الاوسمة :
تاريخ التسجيل : 25/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مواصفات البنت المصرية القياسية فى نظر الولد

مُساهمة من طرف سندريلا في الخميس مارس 06, 2008 8:04 pm

ههههههههههههههههه
ماشى يا جندى
بس على فكرة بجد موضوع حلو
وعندك حق فية
شكرا ليك ياعم
avatar
سندريلا
فنان راقى جدا
فنان راقى جدا

عدد الرسائل : 3509
العمر : 28
البلد : الشرقية الجميلة
اللقب : سندريلا الحب
الدولة :
تاريخ التسجيل : 12/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى